Page 44 - Le figlie dell'erbivendolo

tavula ! » A tavula. Mentri manciavanu, si vôta
lu Re : — « Aceddu, tutti parranu, e tu sulu
’un parri ? » — « Eh! Maistà, sugnu malatu.
Duminica sugnu bonu, e parru : e vegnu a
manciu a lu vostru palazzu cu sti signuri . Cci
piaci ? » — « Si, aceddu. » L’ àutra Duminica,
l’aceddu chiama la patruna e cci dici ca s’ avianu
a vèstiri di li megghiu abiti. Quannu fu ura si
nni scinneru vistuti a la riali, e si purtaru
l’aceddu. Lu Re cci fa girari lu palazzu, e cci
facia tanti cirimonii. Li ziani, morti. Fu ura di
tavula, s’assittaru. — « Va aceddu, cci dici lu
Re, tu mi prummiltisti, ch’ ha’ a parrari ; ora
nenti dici ? » E l’aceddu cci cunta tuttu lu fattu
di quannu iddu avia jutu a’ttintari darreri la
porta sina a quannu la povira picciotta fu misa a
lu cintìmulu ; poi cci dissi : — « Chisti su’ li
fìgghi vostri ; e vostra mugghieri è misa a lu
cintìmulu chi sta murennu. » Lu Re comu senti
tuttu chistu si jetta a’bbrazzari li fìgghi; scinni
jusu e va a trova a la povira mugghieri ca stava
murennu, cu la peddi e l’ossa. Si cci addinòcchia
davanti e cci addumanna pirdunu. Chiama a li
so’ cugnati e a la mammana e si li fa vèniri
davanti ; poi cci dici a l’aceddu : ______

44