Page 34 - Le figlie dell'erbivendolo

l’aneddu s’avia rischiarutu arreri. Comu
l’aceddu vidi cumpàriri lu picciottu cci dici: —
« Lu vidi tò frati unn’ è misu ? Tò matri è misa a
lu cintimulu. » — « Ih ! me matri a lu cintimulu
è misa ? » E comu iddu dici accussi, addivintò
statua. La soru talia l’aneddu e l’aneddu
addivintò niuru. Povira picciotta ’un avennu
cchiù chi fari, si vesti di paggettu e parti.
Camina camina, junci a lu primu rimitu. — «
Unni vai, bonu giuvini ? » — « Vaju uni
l’aceddu chi parra. » — « Guai, figghiu mio !
Ma va avanti, ca trovi cchiù vecchiu di mia. » Va
uni lu secunnu, la stissa cosa ; va nni lu terzu ; e
iddu l’allatinau e poi cci cunchinsi: — « Grapi
l’occhi, ca si tu quanuu l’ aceddu parra cci
arrispunni, la cci appizzi la còriu. Sta’
avvirtenti, fìgghiu mio. »
Si licinziau e partiu. Quannu cci vinni ’n drittu
filu trasiu sina a lu jardinu. L’ aceddu comu la
vitti: — « Ah ! puru tu ccà si’ ? Ora tu addiventi
comu li to' frati; li vidi ? unu, e dui ; e tu, facìti
tri... tò patri a la guerra... Tò matri a la
cintìmulu.... Li to' ziani guadiscinu . » Ma idda
nun si smossi; e lu lassava cantari. Quannu iddu
’un appi cchiù chi cci diri, abbattiu ; comu
____

34