Page 22 - Le figlie dell'erbivendolo

Ha’ a jiri ’nta ssu pizzu di muntagna; ddà trovi
’na gran chianura, e trovi un casinu c’ un bellu
purtuni. Vidi ca davanti lu purtuni cci sunnu
quattru giaanti cu li spati a li manu; grapi l’
occhi nu sgarrali, pirchì si sgarri, fìniu ! Quannu
hannu l’ occhi chiusi nun tràsiri, sai !
quann’hannu l’occhi aperti, trasi. Cc’è un
purtu-ni: si lu trovi apertu nun tràsiri ; si lu
trovi chiusu, ammutta e trasi. Poi trovi quattru
liuna ; quann’ hannu l’ occhi chiusi , nun tràsiri
; quann’hannu l'occhi aperti, trasi, e comu trasi
trovi l’ acqua ch’ abballa. » Lu picciottu si
licinziau cu lu rimitu, chiàntasi a cavallu, e
appizza.
La soru ogni mumentu guardava l’aneddu pi
vidiri si la petra si canciava di culuri , e comu
vidia l’ aneddu bonu, stava ’n sonnu-paci.
Passannu ’na pocu di jorna, lu picciottu artiva a
la muntagna , e vidi lu palazzu, e davanti, li
quattru giaànti. Avianu l’occhi chiusi, e lu
purtuni era apertu: « Mai, dici, un pò essiri... »
Si metti a lu trattettu , aspittannu. Comu li
giaànti graperu l’occhi , e lu purtuni si chiuiju ,
trasi ; aspetta ca li liuna grapianu l’occhi, e
trasi. Trasi, e trova l’acqua ch’ abballa; nesci li
buttigghi e si li jinchi. Aspetta ca li liuna
______

22