Page 16 - L'orsa

vedenno ca tante belle facce erano
resciute a garzetta,resoluto de strafoca-
rese, deze de pietto a la propia figlia, decenno:
«Che vao cercanno Maria pe Ravenna, si
Preziosa, fìgliama, è fatta a na medesema
stampa co la mamma? Aggio sta bella facce
drinto la casa, e la vao cercanno nculo a lo
munno!» E, fatto ntennere sto penziero a la
figlia, n’appe na nfruata e na lengoriata, che lo
cielo te lo dica pe mene! Lo re, tutto nfuriato,
le dicette: «Vascia ssa voce, e schiàffate ssa
lengua dereto, resorvennote stasera de fare sto
nu«deco matremoniale; autramente, lo manco
piezzo sarrà l’arecchia!» Preziosa, sentuta sta
resoluzione, se retiraje drinto la cammara soja;
e, trivolanno sta mala sciorte, non se lassaje
zervola sana. E, stanno a fare sto nigro viseto,
venne arrivanno na vecchia, che la soleva
_____
16