Page 18 - Catarina la sapiente

’Nta termini ottu jorna, tutti cosi fôru pronti (chi
cci ammancava forsi la lana? li cantarana?). Lu
Riuzzu cci pripara dudici dunzelli; hannu graputu
cappella riali, e l’hannu maritatu.
A la finuta di lu zitaggiu, la Riggina cci dissi a sti
dunzelli di jiri a fari lu sò duviri, di jiri a
spugghiari la Rigginedda pi falla curcari. Lu
Riuzzu arrispusi: ‒ « ’Un vogghiu né spugghiari,
né vèstiri, né guardii darrèri la porta. »
Comu fôru suli: ‒ « Catarina, cci dici lu Riuzzu
cci pensi la timpulala chi mi dasti a la scola? Ti nni
penti? » ‒ « Chi m’hê pèntiri! Anzi, si vuliti, vi
nni dugnu ’n’àutra.» ‒ « Comu! ’un nni si’
pintuta?!» ‒ « Mancu pi sonnu.» ‒ « Dunca ’un ti
nni vô’ pèntiri?!» ‒ « E cu’ nni parrà!» ‒ « Ahn!
chistu cc’è? Ora ti fazzu avvìdiri cu’ sugnu io.»
zx
18