Page 10 - Master Bëninhë

-Të sia counchëdù la grassië quë t'à chërquè.
Doppœië, passè carquë mè, i soun tournè annarë
avount ique masteru Bëninhë, quë l'èrë lou stèssë
fourjarë, e i van dirë:
- Sèn vënhù in aoutrë ièggë.
Lou masteru al à rispoundù:
- Sè patroun dë vënirë touttavìë.
Lou masteru al à lessè dë fatogarë, al à gëstè lou
fiëc in aoutrë ièggë e a lh'à faitë shaoudë a touttë
cantë. Pœië, al è annè in aoutr'ièggë a la què, al à
pilhè in bacchilë dë baccalè e in'aoutrë du pan e
in'aoutra boùmboulë dë vin e a lh'o-v à pourtè e
ilh an mingè touttë cantë. La matin al è annè
novamunt e San Pèirë a lhi dì:
- Chèrquë-lhè in aoutrë grassië a Maìstrë.
Masteru Bëninhë a dì:
-Voulèrë in'aoutrë grassië faitë dë vu.

10