Page 24 - The King of Spinningwheel

Mischina, sta criata si mossi a cumpassioni, eiju
nni la patruna, e cci dissi: « Mischina, cc’è ’na
puviredda; damuccilla ’nna casuzza! » e cci
dettiru la casa unni tinianu la ligna; e cci purtaru
’nn’anticchiedda di pani, ch’era morta di fami. La
Riggina, dda signura, cci misi ’nn’affezioni a sta
picciotta, chi ogni matina cci mannava lu cafè, e
cci dicia: - « Di cui siti figghia? » E idda cci dicia:
« Ah! si sapissi quant’haju passatu!... » e ’un cci
dicia àutru. Doppu chi passau tempu chi stava
’ntra dda casa, ’nna matina cci agghiurnau un
picciriddu; iju ’na cammarera di lu Re ’nna
matina nn’idda e poi cci dissi a la Riggina: «
Ivinni! Maistà, chi figghiu beddu ch’havi sta
strània; assimigghia tuttu a so figghiu. »

24