Page 16 - Il Re d'Arcolaio

Mischina Nunzia era malata e cci dissi a so soru: -
« Mi vò’ pittinari? » Idda si misi a pittinarla;
arrivannu chi cci sciugghiu lu trizzòlu di darrè ci
attruvau ’na chiavi attaccata. La birba di la soru
Peppa dissi tra idda: « Ih! ch’è birba mè soru! nun
mi la voli fari a vidiri la casa; la chiavi l’avia. » Chi
fici? So soru era appinnicata, cci sciugghiu la
chiavi, va a grapi dda càmmara, e attruvau tanti
picciotti fimmini tutti beddi, tutti chi
arracamavanu; chi aspittava Nunzia un picciriddu
e cci facianu li robbi. ___

16